Mbrëmë nisi zyrtarisht edicioni i tretë i Ferma VIP 3, duke shënuar rikthimin e moderatores së njohur Arbana Osmani në ekran.
Para fillimit të edicionit, një nga personazhet më të përfolur ishte reperi Fero, i cili po mbahej nën vëzhgim nga fansat dhe mediat për pjesëmarrjen e tij. Bisedimet për të ishin zhvilluar në Prishtinë, ku Arbana Osmani udhëtoi personalisht për të finalizuar casting-un e tij.
Megjithatë, sipas burimeve të afërta me produksionin, marrëveshja për pjesëmarrjen e Feros ka dështuar në fazën përfundimtare për shkak të mosmarrëveshjeve mbi pjesën financiare. Kjo çoi në tërheqjen e reperit nga projekti, duke ndryshuar kështu planet fillestare të produksionit.
Ndërkohë, mbrëmë u bë e ditur lista e personazheve që nisën aventurën në “Ferma VIP 3”, mes të cilëve spikasin:
- Jonida Maliqi
- Soni Malaj
- Malbora Gurra
- Romir Zalla
- Akil Varfi
- Mimoza Ahmeti
- Sara Karaj
- Blerina Bajko
- Fabiola Elezaj
- Indri Shiroka
Ky edicion premton aventura të forta, sfida emocionuese dhe momente të paparashikueshme për publikun, ndërsa fansat presin me padurim zhvillimet e ditëve të para të garës.
