Ish-kryetari i Kuvendit të Kosovës, Kadri Veseli, ka dalë dje para trupit gjykues në Dhomat e Specializuara të Kosovës, ku ka dhënë deklaratat e tij lidhur me procesin gjyqësor që po zhvillohet ndaj tij.

Gjatë fjalës së tij, Veseli ka theksuar se ndihet i pafajshëm për akuzat që i janë ngritur, duke theksuar se veprimtaria e tij ka qenë në funksion të çlirimit dhe mbrojtjes së popullit të Kosovës. Ai ka deklaruar se nuk ka pasur asnjë rol në urdhërimin apo kryerjen e veprave penale për të cilat akuzohet.

Seanca e djeshme është fokusuar në dëgjimin e deklarimeve dhe në paraqitjen e argumenteve përkatëse, ndërsa procesi pritet të vazhdojë me fazat e tjera procedurale në ditët në vijim.