Real Madrid po përgatit një revolucion të madh në skuadër përpara merkatos së verës, me disa emra të njohur që pritet të largohen.

 

Në listën e largimeve tashmë është përfshirë Ferland Mendy, pas një dëmtimi të fundit muskulor të pësuar në fitoren ndaj Manchester City në UEFA Champions League.

Përveç tij, edhe emra të tjerë të mëdhenj si David Alaba, Antonio Rüdiger dhe Dani Carvajal pritet të dalin në shitje, duke sinjalizuar një rindërtim të thellë në mbrojtje. Kontrata e Carvajalit po shkon drejt fundit, ndërsa Alaba dhe Rüdiger janë përballur me probleme të shpeshta fizike.

Gjithashtu, Fran García mund të largohet pasi ka humbur vendin si titullar, ndërsa surpriza më e madhe është përfshirja e Eduardo Camavinga në listë, me një vlerë të mundshme prej rreth 50 milionë paundësh. Mesfushori francez është lidhur me klube si Arsenal dhe Liverpool.

Nga ana tjetër, madrilenët po shikojnë përforcime të mëdha dhe një nga objektivat kryesorë është Rodri i Manchester City, fitues i Topi i Artë. Raportohet se ai nuk planifikon të rinovojë kontratën përtej vitit 2027, duke e bërë një objektiv të mundshëm për gjigantin spanjoll.

Të gjitha këto zhvillime tregojnë qartë se Real Madrid është gati për një ndryshim të madh, sidomos në repartin defensiv, me synimin për të ndërtuar një skuadër të re dhe më konkurruese për sezonet në vazhdim.