Përplasje e fortë mes Londrimit dhe Labinot Rexhës në Big Brother VIP Kosova, me akuza për bullizim dhe humbje imazhi brenda shtëpisë.

Një debat i fortë ka shpërthyer brenda shtëpisë së Big Brother VIP Kosova, ku Londrimi dhe Labi janë përfshirë në një përplasje të ashpër verbale.

Situata u tensionua kur Londrimi iu drejtua Labit me akuza të drejtpërdrejta, duke kritikuar hapur lojën e tij dhe mënyrën se si, sipas tij, po sillet me banorët e tjerë të shtëpisë.

“Unë kurrë nuk do ta lejoja veten të sillem në këtë mënyrë”, u shpreh Londrimi, duke e quajtur sjelljen e Labit të turpshme dhe të papranueshme.

Në vijim të debatit, ai shtoi se Labi nuk po përfaqëson asnjë vlerë brenda shtëpisë dhe se, sipas tij, qëndrimi i këngëtarit në Big Brother VIP Kosova nuk ka më kuptim.

Debati u mbyll me deklaratën e Londrimit, i cili shprehu pritjen që Labi të largohet nga gara këtë të premte, duke theksuar se ai nuk ka asgjë tjetër për të ofruar përveç ofendimeve.