Pas procesit të rinumërimit të votave, janë evidentuar mospërputhje mes rezultateve të numërimit fillestar dhe atij të dytë, ku disa kandidatë rezultojnë me më pak vota krahasuar me shifrat e publikuara fillimisht.

Sipas të dhënave të përditësuara nga Komisioni Qendror i Zgjedhjeve, dallimet janë vërejtur në disa vendvotime, ndërsa procesi i rinumërimit po zhvillohet në përputhje me procedurat ligjore dhe nën mbikëqyrje institucionale.

Nga KQZ është bërë e ditur se çdo ndryshim i konstatuar gjatë këtij procesi do të reflektohet në rezultatet përfundimtare, të cilat do të shpallen vetëm pas përmbylljes së plotë të rinumërimit.