Policia e Kosovës ka arrestuar dy zyrtarë të dyshuar të KEDS në Ferizaj, nën dyshimin për marrje ryshfeti.
Sipas raportit 24-orësh të Policisë, të dyshuarit kanë pranuar 400 euro nga një qytetar, me premtimin se do të zëvendësonin njehsorin elektrik brenda një afati të shkurtër.
Pas intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet për veprën penale të marrjes së ryshfetit.
Autoritetet kanë theksuar se lufta kundër korrupsionit mbetet prioritet dhe se raste të tilla do të trajtohen me seriozitet të plotë.
