Qytetarët janë mbledhur në Prishtinë për të protestuar kundër propozimit për rritjen e çmimit të energjisë elektrike.

Protesta ka nisur pranë objektit të KEDS-it, ndërsa marshimi është paralajmëruar të vazhdojë drejt ndërtesës së Qeverisë së Kosovës.

Gjatë zhvillimit të protestës, Policia e Kosovës ka arrestuar edhe një person. Deri më tani nuk janë dhënë detaje shtesë lidhur me arsyet e arrestimit, ndërsa autoritetet kanë bërë të ditur se situata po monitorohet dhe mbetet e qetë.

Protesta po vazhdon nën masa të shtuara të sigurisë.