Presidenti i Shteteve të Bashkuara të Amerikës, Donald Trump, ka deklaruar se forcat amerikane do të godasin objektivat iraniane “shumë fort” gjatë ditëve në vijim, duke sinjalizuar një intensifikim të fushatës ushtarake të zhvilluar nga SHBA dhe Izraeli.
Sipas raportimeve, ofensiva nisi më 28 shkurt dhe ka përshkallëzuar përplasjen mes dy vendeve, duke e çuar konfliktin drejt javës së tretë. Lufta ka rritur tensionet në rajon dhe ka ndikuar edhe në tregjet globale të energjisë, ndërsa Irani ka reaguar me sulme me raketa dhe dronë në zonën e Gjirit.
“Do t’i godasim shumë fort gjatë javës së ardhshme”, tha Trump në një intervistë për Fox News Radio.
Ndërkohë, Sekretari amerikan i Mbrojtjes, Pete Hegseth, deklaroi se SHBA dhe Izraeli kanë goditur tashmë më shumë se 15 mijë objektiva që nga fillimi i fushatës ajrore kundër Iranit.
“Midis forcave tona ajrore dhe atyre izraelite, janë goditur mbi 15,000 objektiva armike. Kjo është mbi 1,000 në ditë”, u tha Hegseth gazetarëve, duke shtuar se intensiteti i sulmeve pritet të rritet edhe më shumë në ditët në vijim.
