Kryeministri i Kosovës, Albin Kurti, ka uruar Péter Magyar për fitoren në zgjedhjet parlamentare në Hungari.

Përmes një postimi në rrjetin social X, Kurti theksoi se Kosova mirëpret mbështetjen e popullit hungarez për vlerat e Bashkimi Evropian dhe shprehu gatishmërinë për bashkëpunim të mëtejshëm mes dy vendeve.

Fitorja e Magyarit konsiderohet si një nga ndryshimet më të mëdha politike në Hungari në dekadat e fundit. Ai, si një figurë relativisht e re në politikë, arriti të bashkojë një koalicion të gjerë votuesish të pakënaqur me qeverisjen 16-vjeçare të Viktor Orbán.

Gjatë fushatës, Magyar u fokusua në luftën kundër korrupsionit, reformimin e institucioneve dhe përmirësimin e sektorëve kyç si shëndetësia dhe arsimi. Zgjedhjet u karakterizuan nga një pjesëmarrje rekord, duke reflektuar mobilizim të lartë qytetar dhe rëndësinë e momentit për të ardhmen politike të vendit dhe raportet e tij me BE-në.