Një episod i pazakontë ka tronditur futbollin argjentinas, ku mbrojtësi i Gimnasia de Jujuy, Emiliano Indrezzi, është arrestuar pas një veprimi të papërgjegjshëm që shkaktoi panik në aeroport.

Ngjarja ndodhi në Aeroporti i Jujuy, ku lojtari, para nisjes së një fluturimi drejt Buenos Aires, bërtiti “bombë” në bord të avionit. Ky veprim aktivizoi menjëherë protokollet anti-terroriste, duke shkaktuar evakuimin urgjent të avionit dhe ndërhyrjen e njësive speciale.

Pas kontrollit të detajuar nga ekipet për çaktivizimin e bombave, autoritetet konfirmuan se alarmi ishte i rremë dhe nuk kishte asnjë rrezik real. Megjithatë, pasojat për futbollistin kanë qenë të menjëhershme.

Policia e arrestoi Indrezzin në pistë, ndërsa ai po përballet me akuza për alarm të rremë dhe pengim të trafikut ajror, vepra që mund të sjellin dënime të rënda ligjore.

Ndërkohë, klubi i tij reagoi ashpër, duke e cilësuar sjelljen si të papranueshme dhe duke konfirmuar nisjen e procedurave për ndërprerjen e kontratës për shkelje të rëndë disiplinore.

Ngjarja është cilësuar nga mediat si një nga incidentet më të paprecedenta në futboll, ndërsa 28-vjeçari rrezikon seriozisht jo vetëm lirinë, por edhe fundin e karrierës së tij sportive.