Kryeministri Albin Kurti nuk ka dashur të jap shumë shpjegime lidhur me deklaratën e ministrit për Komunitet dhe Kthim, Nenad Rashiq, i cili kishte pretenduar se Kurti ia kishte falur tokën e Manastirit të Deçanit serbëve “për hatër të tij”.
“Ka folë tashmë zëdhënësi im, Arlind Manxhuka, dhe po ashtu e ka sqaruar edhe ministri”, tha shkurt Kurti, duke shmangur komentet e mëtejshme.
Ndërkohë, Rashiq ka thënë për Insajderin se deklarata e tij ishte e gabuar dhe ai e ka ngatërruar me diçka tjetër, duke mohuar çdo qëllim për të nënkuptuar se Kurti kishte dhënë tokën e manastirit.
Ky incident ka ngjallur reagime të ndryshme në media dhe në opinion, duke rritur interesin për sqarime të mëtejshme mbi pronësinë dhe administrimin e tokave të manastirit të njohur ndërkombëtarisht.
