Ish-banori i Big Brother VIP Kosova, Eduart Kuqi, është bërë temë diskutimi në rrjetet sociale pasi publikoi fotografi pranë një supermakine luksoze.

Menjëherë pas publikimit të pamjeve, shumë ndjekës nisën të spekulonin se automjeti mund të ishte marrë me qira vetëm për fotografi dhe ekspozim në rrjete sociale.

Megjithatë, Edi ka vendosur t’u përgjigjet drejtpërdrejt këtyre pretendimeve.

Përmes një postimi në rrjetet sociale, ai publikoi dokumente të automjetit të lëshuara në Zvicër, ku sipas tij shihet qartë mbiemri “Kuçi”, duke ironizuar komentet që pretendonin se makina ishte me qira.

Madje, ai shoqëroi postimin me mbishkrimin humoristik:

“Rent a car Kuçi”.

Nga dokumentet e publikuara, pretendohet se automjeti në fjalë është një McLaren 720S Coupe, një nga modelet më të njohura dhe më të shpejta të prodhuesit britanik McLaren.

Ky model karakterizohet nga performanca e lartë sportive, dizajni futuristik dhe dyert karakteristike që hapen lart.

McLaren 720S konsiderohet një prej supermakinave më të kërkuara në tregun e automjeteve luksoze, ndërsa çmimi i tij mund të variojë nga rreth 200 mijë deri në mbi 300 mijë euro, varësisht nga viti i prodhimit, kilometrazhi dhe konfigurimi i automjetit.

Publikimi i dokumenteve ka nxitur reagime të shumta mes ndjekësve, ku shumë prej tyre e kanë përgëzuar Edin për suksesin e tij, ndërsa të tjerë kanë vazhduar debatet rreth automjetit luksoz.

Pavarësisht komenteve dhe spekulimeve, postimi i fundit i Eduart Kuqit duket se ka qenë një përgjigje e qartë për të gjithë ata që vunë në dyshim pronësinë e supermakinës.