Finalja e Big Brother VIP Albania u mbyll me shpalljen e Selin Bollati si fituese, por jo të gjithë finalistët duket se e pritën njësoj rezultatin.

Rogert Sterkaj, i cili ishte i pari që u eliminua nga gara mes katër finalistëve, u shfaq qartësisht i pakënaqur menjëherë pas daljes nga shtëpia. Ai u pa i tensionuar dhe u largua pothuajse menjëherë nga studioja, pa qëndruar gjatë në përfundim të spektaklit.

Situata u bë edhe më e dukshme kur Rogerti nuk mori pjesë në festën tradicionale pas finales, ku zakonisht mblidhen ish-banorët dhe stafi për të festuar përmbylljen e sezonit.

Në vend të kësaj, ai u shfaq në rrjetet sociale në shoqërinë e Don Phenom, ku ky i fundit nuk hezitoi ta quante “fituesin e vërtetë”.

Në të njëjtën video, Rogerti iu drejtua mbështetësve të tij me një mesazh, duke kërkuar që të mos shqetësohen për rezultatin dhe duke shtuar: “Këto lojëra janë bërë për politikën, nuk janë bërë për njerëzit e vërtetë”.

Reagimi i tij ka nxitur menjëherë diskutime të shumta në rrjetet sociale, duke ndarë opinionin e publikut lidhur me rezultatin e finales dhe mënyrën se si përfundoi ky edicion.