Ish-presidentja e Kosovës, Vjosa Osmani, ka reaguar pas vendimit të Gjykata Themelore në Prishtinë lidhur me rastin e vrasjes së Liridona Ademaj.

Në reagimin e saj, Osmani theksoi se “drejtësia foli me zë të qartë dhe të prerë”, duke nënvizuar rëndësinë e vendimit si një mesazh i fortë kundër dhunës ndaj grave.

Ajo shtoi se, megjithëse asnjë aktgjykim nuk mund ta kthejë Liridonën në jetë, vendimi riafirmon një parim themelor: çdo cenim i jetës së grave duhet të marrë përgjigjen më të ashpër nga drejtësia.

“Ky vendim është një mesazh i qartë se dhuna ndaj grave nuk mund të relativizohet as të tolerohet”, u shpreh ajo.

Osmani gjithashtu shprehu ngushëllimet për familjen e viktimës dhe për të gjitha familjet që kanë humbur të afërmet e tyre si pasojë e femicidit.

Në fund të reagimit të saj, ajo theksoi rëndësinë e parandalimit, mbështetjes dhe fuqizimit të grave, duke shtuar se drejtësia duhet të mbetet gjithmonë përgjigjja ndaj rasteve të tilla.