Selvije Jao ka ndarë një moment tejet emocional në rrjetet sociale, duke kujtuar ish-bashkëshortin e saj të ndjerë, Shpat Kasapi, në ditën kur ai do të festonte 41-vjetorin e lindjes.

Përmes një postimi në Instagram, ajo ka publikuar një video prekëse ku Shpati shfaqet në momente të ëmbla me djalin e tyre, Roelin.

Në mesazhin që shoqëron videon, Selvija shpreh dhimbjen e madhe për mungesën e tij, por edhe bindjen se ai vazhdon të jetë pranë tyre në mënyrë shpirtërore.

Ajo ndalet veçanërisht te fjalët e djalit të tyre, të cilat e prekin thellë. “Roeli po thotë ‘Daddy’… dhe unë e ndiej sikur ti je ende këtu me ne”, ka shkruar ajo, duke i uruar Shpatit ditëlindjen në qiell.

Kujtojmë se Shpat Kasapi ndërroi jetë papritur në nëntor të vitit 2025 në Itali, si pasojë e një ataku kardiak, duke lënë pas një boshllëk të madh në familje, te miqtë dhe në publikun shqiptar.

Ky postim ka prekur thellë ndjekësit, të cilët kanë reaguar me mesazhe mbështetjeje dhe ngushëllime për familjen.