Ditët e fundit, mediat kanë raportuar për një zhvillim të ri në jetën personale të Krenar Çoçaj, i cili së bashku me partneren e tij Endi Demneri pritet të bëhen prindër të një djali.

Ky lajm duket se konfirmon përfundimisht mbylljen e kapitullit të tij me moderatoren Luana Vjollca. Megjithatë, sipas raportimeve, situata mes tyre nuk është mbyllur plotësisht.

Bëhet e ditur se Luana Vjollca vazhdon të qëndrojë në apartamentin luksoz të Çoçajt, i vendosur në zonën e Kodra e Diellit. Sipas burimeve mediatike, biznesmeni i ka kërkuar disa herë që ajo të lirojë banesën, ndërsa moderatorja thuhet se ka kërkuar kohë për t’u larguar.

Ndërkohë, nuk përjashtohet mundësia që situata të përshkallëzohet, pasi raportimet sugjerojnë se Çoçaj mund të kërkojë ndërhyrjen e policisë për ta larguar atë nga prona.

Deri më tani, asnjë nga palët nuk ka reaguar publikisht për këto zhvillime, ndërsa lajmi ka ngjallur interes të madh dhe diskutime në rrjetet sociale.