Raportet e krijuara brenda Big Brother VIP Kosova shpesh ndryshojnë pas përfundimit të formatit, por kjo nuk duket të ketë ndodhur me Benita Zena dhe Ludo Lee.

Dyshja vazhdon të ruajë një miqësi të afërt edhe jashtë kamerave, gjë që është vërejtur edhe në postimet e fundit në rrjetet sociale.

Benita ka ndarë në Instagram një moment pranë Ludos, duke treguar se raporti i tyre mbetet i mirë edhe pas eksperiencës në BBVK.

Përveç takimit miqësor, këngëtarja ka uruar publikisht Ludon për një sukses të ri profesional.

“Urime për mbylljen e marrëveshjes”, ka shkruar ajo krahas postimit, duke nxitur menjëherë kureshtjen e ndjekësve.

Megjithatë, detajet rreth marrëveshjes apo projektit të ri nuk janë bërë ende publike, ndërsa Ludo ka zgjedhur të mos zbulojë më shumë për momentin.

Nga ana tjetër, Benita po vazhdon të fokusohet në muzikë dhe ka paralajmëruar projektin e saj më të ri me titull “Bugatti 2”.

Edhe pse ruajnë një raport të afërt shoqëror, të dy ish-banorët po vazhdojnë karrierat e tyre në drejtime të ndara profesionale.