Agjencia e Statistikave të Kosovës ka bërë të ditur se Indeksi i tërësishëm i Kostos së Ndërtimit në Kosova ka shënuar rritje gjatë tremujorit të parë të vitit 2026.
Sipas të dhënave të ASK-së, në TM1 2026, krahasuar me TM4 2025, kostoja e ndërtimit është rritur për 2.5 për qind.
Në këtë rritje ndikimin më të madh e kanë pasur:
- transporti me 5.9%;
- pagat me 2.8%;
- kostot tjera me 2.6%;
- materialet me 2.5%;
- makineritë me 0.5%.
Ndërkohë, ulje është regjistruar vetëm te energjia, me 3.9 për qind.
ASK ka bërë të ditur gjithashtu se, krahasuar me të njëjtën periudhë të vitit paraprak, pra TM1 2025, Indeksi i Kostos së Ndërtimit është rritur për 4.3 për qind.
Sipas raportit, rritja më e madhe vjetore është evidentuar te transporti me 11.5 për qind, pasuar nga:
- pagat me 8.6%;
- kostot tjera me 6.2%;
- energjia me 5.5%;
- materialet me 3.2%;
- makineritë me 0.7%.
Të dhënat e ASK-së tregojnë se sektori i ndërtimit në Kosovë vazhdon të përballet me rritje të vazhdueshme të kostove, të ndikuara kryesisht nga transporti dhe fuqia punëtore.
