Modelja shqiptare Adrola Dushi ka tërhequr vëmendjen në rrjetet sociale me një postim të fundit, ku shfaqet në një moment të afërt me reperin Capital T.

Në fotografinë e publikuar në Instagram, edhe pse fytyra e artistit nuk shihet qartë, prania e tij dhe gjesti i kapjes së dorës kanë mjaftuar për të nxitur reagime të shumta nga ndjekësit.

Ky detaj i vogël ka bërë që shumë fansa ta interpretojnë postimin si një tjetër konfirmim të raportit të tyre si çift, duke shtuar edhe më shumë interesin rreth jetës private të dyshes.

Reagimet pozitive nuk kanë munguar, me komente dhe shpërndarje të shumta që e kanë kthyer këtë postim në një nga më të komentuarit e momentit në rrjet.

Ndërkohë, as Adrola dhe as Capital T nuk kanë bërë një deklaratë të drejtpërdrejtë, duke lënë gjithçka të kuptohet përmes gjesteve dhe imazheve të publikuara.