Unikkatil ka prekur thellë publikun me projektin e tij më të ri muzikor të titulluar “Copa Copa”, i cili është publikuar në YouTube dhe po merr vëmendje të madhe.

Kënga nuk është vetëm një rikthim muzikor i shumëpritur, por mbart një histori të fortë emocionale. “Copa Copa” është një dedikim për vëllain e tij të ndjerë, Mentor, duke e kthyer projektin në një homazh të ndjerë dhe personal.

Përmes vargjeve, artisti ka shprehur dhimbjen dhe mallin për humbjen e tij, duke nderuar kujtimin e një prej njerëzve më të rëndësishëm në jetën e tij.

Por ky projekt ka edhe një domethënie më të thellë. Unikkatil ka përmbushur një amanet të vëllait të tij, i cili i kishte kërkuar që të publikonte një këngë pikërisht në ditën e ditëlindjes së tij. Duke zgjedhur këtë datë për publikimin e “Copa Copa”, reperi ka respektuar dëshirën e fundit dhe ka krijuar një moment shumë të veçantë për fansat.

Kënga po komentohet gjerësisht në rrjetet sociale, ku shumë ndjekës e kanë cilësuar si një nga projektet më të ndjera të artistit.