Halil Matoshi ka shprehur publikisht mbështetjen e tij për kandidatin e Aleanca për Ardhmërinë e Kosovës, Avni Arifi, në prag të zgjedhjeve parlamentare të 7 qershorit.

Në një postim publik, Matoshi e ka cilësuar Arifin si një “kandidat model për deputet” dhe si një nga njerëzit më të mirë që ka njohur gjatë përvojës së tij në institucionet e Republikës së Kosovës.

Ai ka kujtuar bashkëpunimin me Arifin gjatë mandatit të qeverisë së udhëhequr nga Ramush Haradinaj, kur Arifi shërbente si shef i stafit të kryeministrit.

Sipas Matoshit, Arifi është dalluar për integritet profesional dhe njerëzor, etikë të lartë institucionale dhe përkushtim ndaj shtetit.

Publicisti theksoi se Arifi, i shkolluar në Holandë, kishte zgjedhur të kthehej në Kosovë për të kontribuar në ndërtimin e institucioneve, duke hequr dorë nga mundësitë dhe privilegjet që kishte jashtë vendit.

“Ai nuk pyeti si jetohet në Kosovë, por a mundem me i shërby Kosovës”, ka shkruar Matoshi, duke e cilësuar Arifin si të pakorruptueshëm dhe të angazhuar në luftën kundër korrupsionit.

Në postimin e tij, ai përmendi edhe rolin e Arifit si udhëheqës i delegacionit të Kosovës në dialogun e Brukselit, si dhe përkushtimin e tij në mbrojtjen e pozicioneve shtetërore të Kosovës në arenën ndërkombëtare.

Matoshi rikujtoi gjithashtu praninë e Arifit në takimin mes ish-kryeministrit Haradinaj dhe James Mattis, në periudhën kur u mor vendimi për transformimin e Forca e Sigurisë së Kosovës në ushtri.

Në fund, ai u bëri thirrje qytetarëve që ta mbështesin Avni Arifin në zgjedhjet e ardhshme.