Kryeministri i Kosovës, Albin Kurti, mori pjesë në panelin me temë “Ku përfundon Evropa – vizion dhe pragmatizëm në kohë trazirash gjeopolitike”, ku theksoi rëndësinë e unitetit dhe vendimmarrjes së guximshme nga liderët evropianë.

Në fjalën e tij, Kurti deklaroi se Ballkani Perëndimor nuk duhet të shihet si periferi, por si pjesë integrale e Bashkimi Evropian, duke theksuar lidhjet historike, kulturore dhe politike të rajonit me Evropën.

Ai u shpreh se anëtarësimi në BE nuk është vetëm aspiratë, por një domosdoshmëri për forcimin e demokracisë, zhvillimin ekonomik dhe garantimin e sigurisë afatgjatë për rajonin dhe kontinentin.

Kurti ngriti shqetësimin për vonesat në procesin e integrimit, duke paralajmëruar se ato krijojnë hapësirë për ndikime të jashtme dhe rreziqe gjeopolitike. Sipas tij, zgjerimi i BE-së duhet të jetë më i shpejtë dhe më i vendosur.

Në fund, ai theksoi se Evropa duhet të mbrojë vlerat demokratike kudo, duke përmendur edhe vende si Ukrainë, Moldavi dhe Gjeorgji, ku sipas tij zhvillohet “vija e frontit të solidaritetit”.