Nënkryetari i Lidhja Demokratike e Kosovës, Lutfi Haziri, ka bërë të ditur se tashmë ekziston një pajtueshmëri fillestare mes kryetarit të partisë, Lumir Abdixhiku dhe ish-presidentes Vjosa Osmani për një bashkëpunim të mundshëm zgjedhor.

Sipas Hazirit, dy liderët janë duke zhvilluar një takim për të diskutuar detajet e fundit të këtij bashkëpunimi, duke theksuar se ky nuk është takimi i parë mes tyre dhe se qëllimi është krijimi i një fronti të përbashkët politik.

“Mund të konstatoj se pajtueshmëria për një garë ekziston tashmë, për modalitetin dhe formën do të bëhet me dije pasi të arrihet pajtueshmëri e plotë”, u shpreh ai gjatë një interviste në Konfront në KTV.

I pyetur nëse kjo nënkupton një rikthim formal të Osmanit në strukturat e LDK-së, Haziri u tregua i rezervuar, duke thënë se këto janë çështje që ende po diskutohen dhe se detajet do të bëhen publike nga vetë protagonistët.

Ky zhvillim vjen në një moment të rëndësishëm politik, pasi zgjedhjet e parakohshme në Kosova janë caktuar të mbahen më 7 qershor, duke shtuar interesin për aleanca dhe rikonfigurime të mundshme në skenën politike.