Fituesi i edicionit të katërt të Big Brother VIP Kosova, Londrim Mekaj, ka bërë debutimin e tij më të ri në muzikë me publikimin e projektit të titulluar “My Baby”.
Kënga është shoqëruar me një videoklip, i cili ka tërhequr menjëherë vëmendjen e publikut dhe fansave të artistit.
Një nga surprizat e klipit është paraqitja e ish-banores së të njëjtit edicion të Big Brother VIP Kosova, Dolce, e cila luan rolin kryesor në videoklip.
Gjatë videoklipit, Dolce shfaqet në disa skena atraktive dhe sensuale krah Londrimit, duke shtuar edhe më shumë interesimin e publikut për projektin.
Momenti që ka ngjallur më së shumti reagime është fundi i videoklipit, ku Londrimi dhe Dolce shkëmbejnë puthje, një skenë që menjëherë ka nxitur komente dhe diskutime në rrjetet sociale.
Megjithatë, mbetet e paqartë nëse kimia e shfaqur në videoklip është thjesht pjesë e konceptit artistik apo nëse mes dy ish-banorëve ekziston diçka më shumë jashtë kamerave.
Kënga “My Baby” tashmë është publikuar në platformat muzikore dhe po pritet me interes nga fansat e Londrim Mekajt, i cili pas fitores në Big Brother VIP Kosova po synon të ndërtojë karrierën e tij edhe në muzikë.
