Historia e dashurisë mes Brikena Selmani dhe Mateo Borri, e cila nisi në Big Brother VIP Albania 5, duket se po vazhdon më e fortë se kurrë edhe jashtë shtëpisë.

Pas “martesës” simbolike gjatë formatit, shumë fansa ishin skeptikë nëse lidhja do të mbijetonte në jetën reale. Por dyshja po dëshmon të kundërtën, duke u shfaqur shpesh bashkë dhe duke kaluar kohë cilësore me njëri-tjetrin.

Së fundmi, Brikena ka ndarë në Instagram një moment që ka bërë menjëherë xhiron e rrjetit. Në imazhin e publikuar, Mateo shihet duke buzëqeshur teksa shikon një portret gjigant të saj, ku ajo paraqitet me kurorë dhe fustan elegant.

Shikimi i tij plot admirim nuk ka kaluar pa u vënë re nga ndjekësit, të cilët e kanë komentuar si një dëshmi të fortë të ndjenjave të tij.

Çifti, që gjatë qëndrimit në BBVA kaloi sfida dhe dinamika të ndryshme, po tregon se kimia mes tyre vazhdon edhe pas daljes nga izolimi.

Me këtë moment të fundit, Brikena dhe Mateo forcojnë edhe më shumë statusin e tyre si një nga çiftet më të ndjekura dhe më të pëlqyera të momentit në showbiz-in shqiptar.