Ish-finalisti i Big Brother VIP Albania 5, Mateo Borri, ka folur për herë të parë pas daljes nga shtëpia më e famshme në Shqipëri.

I ftuar në Ftesë në 5, ai u shpreh se gjatë gjithë rrugëtimit të tij nuk ka ndjekur asnjë strategji, por thjesht ka qenë vetvetja.

“Unë kam bërë pjesën time. Unë ky jam. Nëse njerëzve u dukem i pavërtetë, nuk është puna ime… Nuk ka strategji më të mirë se sa të jesh vetvetja,” tha Mateo.

Ai komentoi gjithashtu edhe finalistët e tjerë, duke theksuar se disa prej tyre, sipas tij, “viktimizoheshin” dhe përdornin fjalë të tepërta gjatë lojës. Ndërkohë, për Selin Bollati ai shprehu respekt, duke i uruar më të mirat.

Përveç lojës, Mateo foli hapur edhe për marrëdhënien me Brikena, duke treguar se ndjenjat e tij kanë qenë të forta që në fillim.

“Sa herë isha larg saj, ndihesha keq… kur më pëlqen një vajzë dhe është reciproke, unë e kërkoj me insistim,” u shpreh ai.

Ai shtoi se tashmë fokusi i tyre është te e ardhmja dhe se familja e tij e mbështet plotësisht këtë lidhje.

“Mami është dakord për çdo gjë timen… nëse unë jam i lumtur, mami është e lumtur,” përfundoi Mateo.