Armir Shahini, i njohur si Miri, përfundoi rrugëtimin e tij në Big Brother VIP Albania si finalist, duke u renditur në vendin e dytë në finalen e madhe.

Menjëherë pas përfundimit të spektaklit, këngëtari i grupit West Side Family ka bërë reagimin e tij të parë në rrjetet sociale, duke ndarë një mesazh të ndjerë për të gjithë ata që e mbështetën gjatë këtij rrugëtimi.

Në postimin e tij, Miri falënderoi fansat dhe njerëzit e afërt për përkrahjen, duke e cilësuar eksperiencën si një udhëtim plot sfida dhe emocione. Ai publikoi gjithashtu një video me momente nga qëndrimi i tij në shtëpi, duke rikthyer kujtimet më të forta nga loja.

“Ju falënderoj nga zemra për mbështetjen e jashtëzakonshme. Jam thellësisht mirënjohës për këtë eksperiencë dhe për dashurinë që më keni dhënë në çdo moment,” shkroi ai ndër të tjera.

Ndërkohë, fituese e këtij edicioni u shpall Selin Bollati, e cila arriti të fitojë zemrat e publikut dhe të marrë çmimin e madh.

Finalja e këtij sezoni ka qenë një nga më të komentuarat, me emocione të forta dhe surpriza që mbajtën publikun të mbërthyer deri në fund.