Rrahman Rama, kandidat për deputet nga Partia Demokratike e Kosovës, ka zhvilluar aktivitete elektorale në Prizren, ku ka takuar qytetarë dhe mbështetës të partisë.
Përmes një postimi në rrjetet sociale, Rama është shprehur i kënaqur me atmosferën dhe pjesëmarrjen në tubimin e mbajtur në qytetin e Prizrenit.
“Atmosferë e mrekullueshme sot në Prizrenin e bukur. Kur Prizreni kërkon ndryshim, e gjithë Kosova i thotë STOP krizës e keqqeverisjes”, ka shkruar ai.
Sipas kandidatit të PDK-së, qytetarët po shprehin gjithnjë e më shumë kërkesën për ndryshim dhe për një qeverisje që fokusohet në zgjidhjen e problemeve me të cilat përballen familjet dhe bizneset në vend.
Deklarata e Ramës vjen në kuadër të fushatës zgjedhore për zgjedhjet parlamentare të 7 qershorit, ku PDK-ja po promovon sloganin e saj elektoral “Stop Krizës. Ndrysho Kosovën”.
Partia Demokratike e Kosovës dhe kandidatët e saj po vazhdojnë takimet me qytetarë në komuna të ndryshme, duke prezantuar programin e tyre dhe kërkuar mbështetje për zgjedhjet e ardhshme.
