Veprimtari dhe ish-i burgosur politik Ragip Xhaka ka dalë publikisht në mbështetje të rikthimit të Fatmir Limaj në Partia Demokratike e Kosovës.

Ish-kryetari i PDK-së në Zvicër ka deklaruar se e mbështet bashkimin politik mes Limajt dhe PDK-së, pas kërkesës së këtij të fundit për të garuar në listën e partisë në zgjedhjet e 7 qershorit.

Sipas Xhakës, rikthimi i Limajt do ta fuqizonte PDK-në dhe do të përbënte një kthim të natyrshëm politik.

Mbështetje për këtë ide kanë shprehur edhe figura të njohura të PDK-së, përfshirë Ramiz Lladrovci, Nait Hasani, Adem Grabovci, Hisen Berisha dhe emra të tjerë të partisë.

Ndërkohë, gjatë ditës së sotme pritet të mbahet një mbledhje e PDK-së, ku sipas raportimeve do të diskutohet edhe letra që Limaj i ka drejtuar Bedri Hamza lidhur me përfshirjen e tij në listën zgjedhore.