Procesi i numërimit të votave për kandidatët për deputetë ka nisur në të gjithë vendin, ndërsa rezultatet e para po japin një pasqyrë preliminare të mbështetjes që kanë marrë kandidatët e partive politike.
Sipas të dhënave të publikuara deri tani nga Komisioni Qendror i Zgjedhjeve, janë numëruar 3.56 për qind e votave.
Në listën e Lidhja Demokratike e Kosovës, e para renditet Vjosa Osmani me 1,743 vota.
Pas saj vjen kryetari i LDK-së, Lumir Abdixhiku, i cili deri më tani ka grumbulluar 1,612 vota.
Në vendin e tretë renditet Doarsa Kica-Xhelili me 1,253 vota.
Gjashtë kandidatët më të votuar të LDK-së deri tani:
- Vjosa Osmani – 1,743 vota
- Lumir Abdixhiku – 1,612 vota
- Doarsa Kica-Xhelili – 1,253 vota
- Hykmete Bajrami – 943 vota
- Avdullah Hoti – 790 vota
- Ukë Rugova – 730 vota
Rezultatet mbeten preliminare dhe mund të ndryshojnë ndjeshëm pasi deri më tani është numëruar vetëm një pjesë e vogël e votave.
Procesi i numërimit po vazhdon në qendrat komunale të numërimit, ndërsa KQZ pritet të publikojë përditësime të reja gjatë orëve në vijim.
