Kryetari i Lidhjes Demokratike të Kosovës, Lumir Abdixhiku, ka kritikuar ashpër qeverinë në detyrë, duke e akuzuar se po përdor paranë publike në mënyrë të drejtpërdrejtë për ndikim në procesin zgjedhor.

Sipas tij, vendimet e fundit për ndarje të mjeteve financiare për kategori të ndryshme sociale në prag të zgjedhjeve nuk janë politika të qëndrueshme ekonomike, por veprime me qëllim elektoral. Ai tha se qytetarët nuk duhet të ndikohen me masa afatshkurtra që, sipas tij, krijojnë iluzion ekonomik.

Reagimi i Abdixhikut vjen në kohën kur debati për pakon e inflacionit dhe ndarjen e 100 eurove ka dominuar skenën politike në Kosovë.