Ministri në detyrë i Financave, Hekuran Murati, ka sqaruar mënyrën e shpërndarjes së ndihmës financiare prej 100 eurosh për qytetarët, në kuadër të pakos për përballje me inflacionin.

Sipas Muratit, pensionistët dhe kategoritë sociale do t’i marrin mjetet automatikisht në llogaritë e tyre bankare, ndërsa studentët dhe punëtorët e sektorit privat duhet të aplikojnë përmes platformës online të qeverisë.

Ai publikoi edhe grafikë me numrin e përfituesve dhe ndikimin buxhetor të vendimit, duke theksuar se qëllimi i pakos është mbështetja e qytetarëve që janë prekur më së shumti nga rritja e çmimeve. Megjithatë, opozita po vazhdon ta kritikojë ashpër këtë masë.