Pas një periudhe të gjatë spekulimesh për një ndarje të mundshme, Ana dhe Kevin Edmond kanë befasuar ndjekësit duke u shfaqur sërish bashkë, më të afërt se kurrë.

Dyshja kanë rikthyer vëmendjen në rrjetet sociale, pasi Ana publikoi një fotografi në Instastory, e shoqëruar me një mesazh të shkurtër, por domethënës, që la të kuptohet se lidhja e tyre vazhdon.

Në imazhin e ndarë, ata duken të lumtur dhe në harmoni, duke hedhur poshtë zërat që qarkullonin prej kohësh për një krizë mes tyre. Ky rikthim i përbashkët konfirmon se raporti i tyre ka kaluar vështirësitë dhe vazhdon më i fortë.

Kujtojmë se Ana dhe Kevini kanë qenë shpesh në qendër të vëmendjes publike që prej pjesëmarrjes së tyre në një format televiziv, ku fituan një numër të madh fansash.

Rishfaqja e tyre së bashku pritet të rikthejë interesin e publikut për çdo zhvillim të ri në lidhjen e tyre.